རྫོང་ཁའི་ཤེས་ཚད་ཡོད་རུང་ ལས་གཡོག་གི་གོ་སྐབས་ རྒྱ་ཆེ་དྲགས་མེདཔ་ལས་ རྫོང་ཁའི་ཆོས་ཚན་ལུ་ སྤྲོ་བ་ཞན་དོ་ཡོདཔ།

སྤྱིར་བཏང་ རྫོང་ཁའི་སྐད་ཡིག་ལུ་ སྤྲོ་བ་བསྐྱེད་མི་ ཉུང་སུ་ཅིག་ལས་མེད་པའི་ གནད་དོན་དང་ སློབ་ཕྲུག་ཚུ་ལུ་ རྫོང་ཁའི་ཤེས་ཚད་ ལེགས་ཤོམ་མ་ཐོབ་པའི་ གདོང་ལེན་དེ་གིས་ རྫོང་ཁ་ལག་ལེན་འཐབ་ནི་ལུ་ དཀའ་ངལ་འབྱུང་བཞིན་དུ་འདུག

དེ་ཡང་ ཐིམ་ཕུག་ནང་འཁོད་ཀྱི་ སློབ་གྲྭ་ཁག་ཚུ་ནང་ལས་ བརྡ་དོན་བསྡུ་སྒྲིག་འབད་མི་དང་འཁྲིལ་བ་ཅིན་ སློབ་ཕྲུག་ཚུ་ལུ་ རྫོང་ཁའི་ཤེས་ཡོན་རྒྱ་སྐྱེད་གཏང་ཐབས་ལུ་ རིག་རྩལ་ལས་རིམ་མ་འདྲཝ་ཚུ་ འགོ་འདྲེན་འཐབ་དོ་ཡོདཔ་སྦེ་ ཤེས་རྟོགས་བྱུང་ཡི།

མ་གཞི་ སློབ་གྲྭའི་ཤེས་རིག་ལམ་ལུགས་དང་འཁྲིལ་ རྩོད་བསྡུར་དང་ བློ་ཟེ་ གཙང་མོ་ ཞབས་ཁྲ་ སྲུང་ལྷག་ནི་དང་ འབྲི་ནི་ གསལ་བཤད་འབད་ནི་ དེ་ལས་ ཁྲབ་སྟོན་གྱི་ལས་རིམ་ཚུ་ འགོ་འདྲེན་འཐབ་དོ་བཟུམ་སྦེ་ རྫོང་ཁ་ཡར་སྐྱེད་གཏང་ནི་ལུ་ ཐབས་རིག་སྟོན་ཏེ་ ལས་རིམ་འགོ་འདྲེན་འཐབ་ཨིན་པས།[...] རྒྱས་པར་ལྷག།

"རྫོང་ཁའི་ཤེས་ཚད་ཡོད་རུང་ ལས་གཡོག་གི་གོ་སྐབས་ རྒྱ་ཆེ་དྲགས་མེདཔ་ལས་ རྫོང་ཁའི་ཆོས་ཚན་ལུ་ སྤྲོ་བ་ཞན་དོ་ཡོདཔ།"

ཁྲིམས་ལས་འགལ་བ་ཨིནམ་ཤེས་ཅི་ར་ ཉེས་ལས་ཀྱི་ལཱ་ནང་གྲལ་གཏོགས།

ལོ་བསྟར་བཞིན་དུ་ རྒྱལ་ཁབ་ནང་ དབང་བཙོང་འདོད་སྤྱོད་དང་ ནང་འཁོད་རྩུབ་སྤྱོད་ དེ་ལས་ ཕོ་མོའི་རྩུབ་སྤྱོད་ འདི་བཟུམ་སྦེ་ ཨ་ལུའི་རྩུབ་སྤྱྲོད་ཀྱི་གནད་དོན་ཚུ་གི་སྐོར་ལས་ མི་མང་ལུ་ གོ་བ་བརྡ་སྤྲོད་འབདཝ་བཞིན་དུ་ཡོད་རུང་ ལོགས་ཅིག་ཁ་ལས་ ཐོན་ཐོནམ་ས་ར་འདུག

དེ་ཡང་ ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེ་གི་ ཁ་འཆམ་ལམ་ལུགས་འདི་ ཁག་༢ སྦེ་ཡོད་རུང་ གནད་དོན་ཚུ་ འབྲེལ་བ་འཐབ་པའི་སྐབས་ ཁྲིམས་མཐུན་ཐོག་ལས་མེན་པར་ བར་འཛུལ་སྒྲིག་ཡངས་འབད་དེ་ ཁ་འཆམ་ཐོག་ལས་ སེལ་དོ་ཡོདཔ་མས།

ནང་འཁོད་རྩུབ་སྤྱོད་ཀྱི་གནད་དོན་དེ་ ཁྲོམ་ཁར་སྡོད་མི་ཆ་ཁྱབ་ལུ་ འཐོན་བཞིན་དུ་ཡོདཔ་ལས་ གྲོང་གསེབ་ནང་ཡང་ ག་དེམ་ཅིག་རེ་ འཐོན་འོང་ག་ སླབ་མི་ཤེས་ནི་ཨིནམ་ལས་ གནད་དོན་བཀག་འཛིན་དང་ མར་ཕབ་འབད་ནི་ལུ་ གཙོ་བོ་ར་ མི་མང་གིས་ རྒྱལ་ཁབ་ཀྱི་ཁྲིམས་ལུགས་འདི་ ཧ་གོ་དགོཔ་ཁ་ཆེ་ནི་མས།[...] རྒྱས་པར་ལྷག།

"ཁྲིམས་ལས་འགལ་བ་ཨིནམ་ཤེས་ཅི་ར་ ཉེས་ལས་ཀྱི་ལཱ་ནང་གྲལ་གཏོགས།"

རྒྱལ་ས་ལུ་ སྡོད་ཁྱིམ་གྱི་དཀའ་ངལ་གྱི་སྦེ་ མི་སེར་ཉམ་ཆུང་ཚུ་ལུ་གདོང་ལེན།

རྒྱལ་ས་ལུ་ ལོ་བསྟར་བཞིན་དུ་ མི་རློབས་ཀྱི་གྱངས་ཁ་ ཡར་སེང་འགྱོ་མི་ལུ་བརྟེན་ཏེ་ སྡོད་ཁྱིམ་མ་འཐོབ་པའི་དཀའ་ངལ་ འཐོན་ཐོནམ་ས་ར་འདུག

དེ་ཡང་ རྫོང་ཁག་གཞན་ལས་ གནས་སོར་འོང་མི་དང་ གྲོང་གསེབ་ནང་ལས་ གནས་སྤོ་འོང་མི་ དེ་ལས་ ལཱ་གཡོག་འཚོལ་མི་ཚུ་ ཡར་འཕར་འགྱོ་མི་ལུ་བརྟེན་ཏེ་ སྡོད་ཁྱིམ་གྱི་གདོང་ལེན་འབད་དགོཔ་ཐོནམ་ཨིན་པས།

འདི་བཟུམ་གྱི་ དཀའ་ངལ་འདི་ ཟླ་རིམ་བཞིན་ སྡོད་ཁྱིམ་འཚོལ་མི་ཚུ་ལུ་ འབྱུང་བཞིན་དུ་ཡོདཔ་ལས་ དེ་ཡང་ ཁྱིམ་གྱི་ཇོ་བདག་ཚུ་གིས་ ཁྱིམ་གྱི་ཁང་གླ་འདི་ ཁྲོམ་སྡེའི་ལམ་ལུགས་ལུ་ མ་གནས་པར་ ཡར་སེང་གཏང་མི་ལུ་བརྟེན་ཏེ་ ཁྱིམ་གྱི་ཁང་མིག་དང་མ་བསྟུན་པའི་ ཁང་གླ་སྤྲོད་དགོཔ་འབྱུངམ་ལས་ བྱ་ཐབས་མེད་པར་ ཁྱིམ་སོ་སོ་འཚོལ་དགོཔ་ཐོནམ་ཨིན་མས།[...] རྒྱས་པར་ལྷག།

"རྒྱལ་ས་ལུ་ སྡོད་ཁྱིམ་གྱི་དཀའ་ངལ་གྱི་སྦེ་ མི་སེར་ཉམ་ཆུང་ཚུ་ལུ་གདོང་ལེན།"

མི་སྡེ་བརྡ་བརྒྱུད་ལུ་བརྟེན་ཏེ་ གདོང་ལེན།

འཕྲལ་ཁམས་ཅིག་ཁར་ རྫོང་ཁག་དང་ རྒེད་འོག་ཚུ་གིས་ མི་སེར་ཚུ་དང་གཅིག་ཁར་ གནས་ཚུལ་ཞིབ་རྟོག་འབད་མི་དང་འཁྲིལ་བ་ཅིན་ མི་སྡེ་བརྡ་བརྒྱུད་ ཝི་ཅཌ་ལག་ལེན་ཐོག་ལས་ གསོ་བ་དང་མཐའ་འཁོར་ རྐྱེན་ངན་འཛིན་སྐྱོང་དང་ཤེས་རིག་ལས་སྡེ་ དེ་ལས་ རྒེད་འོག་ཚུ་ནང་ དུས་རྒྱུན་གྱི་ལཱ་འབད་ཐབས་ལུ་ བྱ་སྟབས་བདེ་ཏོག་ཏོ་བྱུང་སྟེ་འདུག

དེ་ཡང་ ཝི་ཅཌ་ལས་བརྒྱུད་དེ་ རྒེད་འོག་ཚུ་ལས་ ལོ་བསྟར་སྙན་ཞུ་དང་ གནས་སྡུད་ཚུ་ འདི་འཕྲོ་ལས་ གཏོང་ལེན་འབད་ནི་དང་ གློ་བུར་གྱི་རྐྱེན་ངན་ཚབས་ཆེན་རེ་བྱུངམ་ད་ གྲོགས་རམ་འཚོལ་ནི་ གསོ་བའི་བསླབ་བྱ་ལེན་ཐབས་ དེ་ལས་ མ་འོངས་འཆར་གཞི་དང་ ལས་སྣ་ཚུ་གི་སྐོར་ལས་ གྲོས་བསྟུན་འབདཝ་བཞིན་དུ་ཡོདཔ་མས།

འདི་བཟུམ་སྦེ་ འཐུས་མི་༡༠༠ ལྷགཔ་ཡོད་མི་ རྩི་རང་རྫོང་ཁག་གི་ རྩི་རང་གཙང་སྦྲ་ཟེར་བའི་ ཝི་ཅཌ་སྡེ་ཚན་ནང་ གོ་བརྡ་སྤྲོད་ཐོག་ལས་ སྤྱི་ལོ་༢༠༡༧ སྤྱི་ཟླ་༡༢ པའི་སྤྱི་ཚེས་༩ ལུ་ རྒྱལ་ཡོངས་ཕྱགས་སྙིགས་བསྡུ་ལེན་གྱི་ལས་རིམ་ འགོ་བཙུགསཔ་དང་འབྲེལ་ ཟླ་རིམ་བཞིན་དུ་ བདུན་ཕྲག་དང་པའི་ རེས་གཟའ་ཉིམ་ལུ་ རྫོང་ཁག་དང་ རྒེད་འོག་༡༡ གི་ སྤྱི་འོག་༦༠ ནང་ ཕྱགས་སྙིགས་བསྡུ་བསྒྱོམ་གྱི་གནས་ཚུལ་ཚུ་ ཝི་ཅཌ་སྡེ་ཚན་ཐོག་ལས་ སྤྱི་འོག་གི་ཚོགས་པ་ལས་ རྒེད་འོག་རྒཔོ་བརྒྱུད་དེ་ རྫོང་ཁག་ལུ་ སྙན་ཞུ་འབད་མི་དེ་ དཔྱེ་ལེགས་ཤོམ་ཅིག་ཨིན་པས།[...] རྒྱས་པར་ལྷག།

"མི་སྡེ་བརྡ་བརྒྱུད་ལུ་བརྟེན་ཏེ་ གདོང་ལེན།"

དབུལ་ཕོངས་ཀྱི་དཀའ་ངལ་སེལ་ཐབས་ལུ་ ཐབས་ལམ་སྟོན་དགོཔ།

རྒྱལ་ཁབ་ནང་ དབུལ་ཕོངས་ཀྱི་དཀའ་ངལ་ བརྒྱ་ཆ་ལས་༩༦ དེ་ཅིག་གི་རྩིས་ གྲོང་གསེབ་གཡུས་མཚན་ཚུ་ནང་སྡོད་མི་ མི་སེར་བརྒྱ་ཆ་ལས་༣༠ དེ་ཅིག་ལུ་ དབུལ་ཕོངས་ཀྱི་དཀའ་ངལ་ལུ་བརྟེན་ ཕན་གནོད་འབྱུང་དོ་ཡོདཔ་མས།
དབུལ་ཕོངས་ཀྱི་དཀའ་ངལ་ཚུ་ མར་ཕབ་འབད་དགོ་པ་ཅིན་ ཐབས་ལམ་གཙོ་བོ་ར་ སོ་ནམ་གཡོག་སྡེ་དང་ སྒོ་ནོར་སེམས་ཅན་བརྩིས་ཏེ་ ནགས་སྐྱོང་རིག་པ་ཚུ་ལུ་བརྟེན་ སེལ་དགོཔ་ཡོདཔ་ད་ དེ་ཡང་ གྲོང་གསེབ་ཀྱི་མི་སེར་ སོ་ནམ་པ་ཚུ་གི་ འཚོ་བའི་མཐུན་རྐྱེན་ ངོ་མ་ཅིག་འབདཝ་ལས་ཨིན་པས།
མི་སེར་སྤྱང་ཀ་ཚུ་ཡང་ རང་འཚོ་ཙམ་ཡོད་པའི་ མི་སེར་སོ་ནམ་པ་དང་ ཚོང་ཆུང་ཀུ་རེ་བཏང་མི་ མི་སེར་ དེ་ལས་ རྒྱལ་ཡོངས་ལས་མི་དང་ཁོང་རའི་བཟང་ཚང་ཚུ་ཨིན་མས།
འདི་བཟུམ་སྦེ་ མི་སེར་ལ་ལུ་ཅིག་གིས་ དབུལ་ཕོངས་ཀྱི་གནས་ཚད་ལས་ ཡར་ཐོན་ནི་དོན་ལུ་ མི་ཅིག་གིས་ ལཱ་གཡོག་གཉིས་རེ་ ཡང་ན་ གསུམ་རེ་འབད་མི་ཡང་ཡོདཔ་བཞིན་དུ་ མི་སེར་སྤྱང་ཀ་ མང་ཆེ་ཤོས་ར་ ལཱ་གཡོག་མེད་མི་དང་ རྒན་རྒས་ དེ་ལས་ ན་ཆུང་ཚུ་ཨིན་པས།
མི་སེར་སྤྱང་ཀ་ཚུ་ རྒྱལ་ཁབ་ཀྱི་མཐའ་ཟུར་གཡུས་ཚན་ཚུ་ནང་ ཁ་གཏོར་ཏེ་ཡོད་མི་ མང་ཤོས་ར་ ཤར་ཕྱོགས་རྫོང་ཁག་ཚུ་ནང་ཡོདཔ་བཞིན་དུ་བརྒྱ་ཆ་༧༥ དེ་ཅིག་ པདྨ་དགའ་ཚལ་དང་ མོང་སྒར་ གཞལམ་སྒང་ བཀྲིས་སྒང་ དེ་ལས་ བསམ་གྲུབ་ལྗོངས་མཁར་ཚུ་ནང་ཡོདཔ་མས།
མི་སེར་སྤྱང་ཀ་ཚུ་ ཁྲོམ་ཁར་གནས་སྤོ་འོངམ་ལས་ དབུལ་ཕོངས་ཚུ་ སྤོ་སོར་འབད་དེ་འགྱོཝ་ལས་ སྤྱང་ཀ་སྦེ་ལུས་མི་དེ་ཡང་ རྒྱལ་ཁབ་ནང་ མི་རློབས་ཡར་སེང་ མགྱོགས་དྲགས་སྦེ་འགྱོ་མི་དང་ ཐོན་སྐྱེད་དང་གོ་སྐབས་ཚུ་ ཚད་ཅིག་ལས་མེད་ནི་དེ་གིས་ཨིནམ་བཞིན་དུ་ མི་སེར་སྤྱང་ཀ་ཚུའི་མིང་ཐོག་ལུ་ རྒྱུ་དངོས་དང་ས་ཞིང་ཚུ་མེདཔ་ལས་ འོང་འབབ་བཟོ་ཐབས་མེད་པའི་གུ་ ས་ཞིང་ཚུ་ཡོད་རུང་ ཤེས་ཡོན་དང་སྦྱོང་བརྡར་ཚུ་ ག་ནི་ཡང་ མེདཔ་ལས་ཨིན་པས།
ཨིན་རུང་ མི་དབང་མངའ་བདག་རིན་པོ་ཆེ་མཆོག་གིས་ མི་སེར་སྤྱང་ཀ་ཚུ་ལུ་ ས་ཞིང་གི་སྐྱིད་སྡུག་གནང་སྟེ་ དབུལ་ཕོངས་ཀྱི་དཀའ་ངལ་སེལ་ཐབས་ལུ་ ཁེ་ཕན་དང་ རྒྱལ་ཁབ་ནང་ དབུལ་ཕོངས་མར་ཕབ་གཏང་ཚུགས་པའི་ ཕན་ཐོགས་འབྱུང་ནི་ཨིན་མས།
འདི་བཟུམ་སྦེ་ གདབུལ་ཕོངས་ཀྱི་དཀའ་ངལ་སེལ་ཐབས་ལུ་ ཐབས་ལམ་སྟོན་དགོཔ།
རྒྱལ་ཁབ་ནང་ དབུལ་ཕོངས་ཀྱི་དཀའ་ངལ་ བརྒྱ་ཆ་ལས་༩༦ དེ་ཅིག་གི་རྩིས་ གྲོང་གསེབ་གཡུས་མཚན་ཚུ་ནང་སྡོད་མི་ མི་སེར་བརྒྱ་ཆ་ལས་༣༠ དེ་ཅིག་ལུ་ དབུལ་ཕོངས་ཀྱི་དཀའ་ངལ་ལུ་བརྟེན་ ཕན་གནོད་འབྱུང་དོ་ཡོདཔ་མས།
དབུལ་ཕོངས་ཀྱི་དཀའ་ངལ་ཚུ་ མར་ཕབ་འབད་དགོ་པ་ཅིན་ ཐབས་ལམ་གཙོ་བོ་ར་ སོ་ནམ་གཡོག་སྡེ་དང་ སྒོ་ནོར་སེམས་ཅན་བརྩིས་ཏེ་ ནགས་སྐྱོང་རིག་པ་ཚུ་ལུ་བརྟེན་ སེལ་དགོཔ་ཡོདཔ་ད་ དེ་ཡང་ གྲོང་གསེབ་ཀྱི་མི་སེར་ སོ་ནམ་པ་ཚུ་གི་ འཚོ་བའི་མཐུན་རྐྱེན་ ངོ་མ་ཅིག་འབདཝ་ལས་ཨིན་པས།
མི་སེར་སྤྱང་ཀ་ཚུ་ཡང་ རང་འཚོ་ཙམ་ཡོད་པའི་ མི་སེར་སོ་ནམ་པ་དང་ ཚོང་ཆུང་ཀུ་རེ་བཏང་མི་ མི་སེར་ དེ་ལས་ རྒྱལ་ཡོངས་ལས་མི་དང་ཁོང་རའི་བཟང་ཚང་ཚུ་ཨིན་མས།
འདི་བཟུམ་སྦེ་ མི་སེར་ལ་ལུ་ཅིག་གིས་ དབུལ་ཕོངས་ཀྱི་གནས་ཚད་ལས་ ཡར་ཐོན་ནི་དོན་ལུ་ མི་ཅིག་གིས་ ལཱ་གཡོག་གཉིས་རེ་ ཡང་ན་ གསུམ་རེ་འབད་མི་ཡང་ཡོདཔ་བཞིན་དུ་ མི་སེར་སྤྱང་ཀ་ མང་ཆེ་ཤོས་ར་ ལཱ་གཡོག་མེད་མི་དང་ རྒན་རྒས་ དེ་ལས་ ན་ཆུང་ཚུ་ཨིན་པས།
མི་སེར་སྤྱང་ཀ་ཚུ་ རྒྱལ་ཁབ་ཀྱི་མཐའ་ཟུར་གཡུས་ཚན་ཚུ་ནང་ ཁ་གཏོར་ཏེ་ཡོད་མི་ མང་ཤོས་ར་ ཤར་ཕྱོགས་རྫོང་ཁག་ཚུ་ནང་ཡོདཔ་བཞིན་དུ་བརྒྱ་ཆ་༧༥ དེ་ཅིག་ པདྨ་དགའ་ཚལ་དང་ མོང་སྒར་ གཞལམ་སྒང་ བཀྲིས་སྒང་ དེ་ལས་ བསམ་གྲུབ་ལྗོངས་མཁར་ཚུ་ནང་ཡོདཔ་མས།
མི་སེར་སྤྱང་ཀ་ཚུ་ ཁྲོམ་ཁར་གནས་སྤོ་འོངམ་ལས་ དབུལ་ཕོངས་ཚུ་ སྤོ་སོར་འབད་དེ་འགྱོཝ་ལས་ སྤྱང་ཀ་སྦེ་ལུས་མི་དེ་ཡང་ རྒྱལ་ཁབ་ནང་ མི་རློབས་ཡར་སེང་ མགྱོགས་དྲགས་སྦེ་འགྱོ་མི་དང་ ཐོན་སྐྱེད་དང་གོ་སྐབས་ཚུ་ ཚད་ཅིག་ལས་མེད་ནི་དེ་གིས་ཨིནམ་བཞིན་དུ་ མི་སེར་སྤྱང་ཀ་ཚུའི་མིང་ཐོག་ལུ་ རྒྱུ་དངོས་དང་ས་ཞིང་ཚུ་མེདཔ་ལས་ འོང་འབབ་བཟོ་ཐབས་མེད་པའི་གུ་ ས་ཞིང་ཚུ་ཡོད་རུང་ ཤེས་ཡོན་དང་སྦྱོང་བརྡར་ཚུ་ ག་ནི་ཡང་ མེདཔ་ལས་ཨིན་པས།
ཨིན་རུང་ མི་དབང་མངའ་བདག་རིན་པོ་ཆེ་མཆོག་གིས་ མི་སེར་སྤྱང་ཀ་ཚུ་ལུ་ ས་ཞིང་གི་སྐྱིད་སྡུག་གནང་སྟེ་ དབུལ་ཕོངས་ཀྱི་དཀའ་ངལ་སེལ་ཐབས་ལུ་ ཁེ་ཕན་དང་ རྒྱལ་ཁབ་ནང་ དབུལ་ཕོངས་མར་ཕབ་གཏང་ཚུགས་པའི་ ཕན་ཐོགས་འབྱུང་ནི་ཨིན་མས།
འདི་བཟུམ་སྦེ་ གཞུང་གི་ཁ་ཐུག་ལས་འབད་དེ་འབད་རུང་ མི་སེར་སོ་ནམ་པ་ཚུ་ལུ་ སོ་ནམ་དང་འབྲེལ་བའི་ འཕྲུལ་རིག་གི་སྦྱོང་བརྡར་ཚུ་དང་ སོ་ནམ་མཐུན་རྐྱེན་ཚུ་ རིན་གོང་མང་ཕབ་ཐོག་ལས་ བཀྲམ་སྤེལ་འབད་དེ་འབད་བ་ཅིན་ དབུལ་ཕོངས་ཀྱི་དཀའ་ངལ་སེལ་ཚུགས་པའི་ཕན་རླབས་དང་ མི་སེར་སྤྱང་ཀ་ཚུ་ ཁྲོམ་ཁར་གནས་སྤོ་འོང་མི་ཡང་ མར་ཕབ་འབད་ཚུགས།
མི་སེར་སོ་ནམ་པ་ཚུ་གིས་ ཉིན་ནུབ་མེད་པར་ལཱ་འབད་མི་ འབྲུག་པའི་ཐོན་སྐྱེད་ཚུ་ བསྡུ་གསོག་འབད་དེ་ ཕྱིའི་རྒྱལ་ལུ་ བཙོང་ཐབས་བཟོ་ཞིན་ན་ མི་སེར་ལུ་ འོང་འབབ་བཟོ་སྟེ་ སྤྲོད་ཐབས་འབད་ཚུགས་པ་ཅིན་ བདག་གཞན་གཉིས་ལུ་ ཁེ་ཕན་འབྱུང་ནི་མས།
འབྲུག་ལུ་ དབུལ་ཕོངས་དེ་ གཙོ་བོ་ར་ རང་བཞིན་གྱི་རྐྱེན་ངན་ ས་རུད་དང་ཆུ་རུད་ཐོནམ་ད་ མི་སྡེ་གྲོགས་རམ་ཚུ་མེདཔ་ལས་ མི་སྡེ་ཁག་དབྱེ་འགྱོ་མི་དེ་གིས་ བཟའ་ཚང་ནང་དུ་ བར་ཆད་ཐོན་ཏེ་ཨིནམ་ལས་ ལྷག་པར་དུ་ ཅ་དངོས་དང་ཞབས་ཏོག་ཚུའི་རིན་གོང་ ཡར་སེང་འགྱོ་མི་ལུ་བརྟེན་ཏེ་ཡང་ ཨིན་པས།
དེ་ལུ་ གཞུང་དང་ འབྲེལ་ཡོད་ལྷན་ཁག་དང་ ལས་ཁུངས་ དེ་ལས་ ལས་སྡེ་ཚུ་གིས་ རྒྱལ་ཁབ་ནང་ དབུལ་ཕོངས་ཀྱི་དཀའ་ངལ་སེལ་བཞིན་དུ་ཡོད་རུང་ ལྷག་པར་དུ་ མི་སེར་སྤྱང་ཀ་ཚུ་གི་ མཐའ་དོན་ལུ་དམིགས་ཏེ་ དཀའ་ངལ་སེལ་དགོཔ་འདུག

ཞུང་གི་ཁ་ཐུག་ལས་འབད་དེ་འབད་རུང་ མི་སེར་སོ་ནམ་པ་ཚུ་ལུ་ སོ་ནམ་དང་འབྲེལ་བའི་ འཕྲུལ་རིག་གི་སྦྱོང་བརྡར་ཚུ་དང་ སོ་ནམ་མཐུན་རྐྱེན་ཚུ་ རིན་གོང་མང་ཕབ་ཐོག་ལས་ བཀྲམ་སྤེལ་འབད་དེ་འབད་བ་ཅིན་ དབུལ་ཕོངས་ཀྱི་དཀའ་ངལ་སེལ་ཚུགས་པའི་ཕན་རླབས་དང་ མི་སེར་སྤྱང་ཀ་ཚུ་ ཁྲོམ་ཁར་གནས་སྤོ་འོང་མི་ཡང་ མར་ཕབ་འབད་ཚུགས།
མི་སེར་སོ་ནམ་པ་ཚུ་གིས་ ཉིན་ནུབ་མེད་པར་ལཱ་འབད་མི་ འབྲུག་པའི་ཐོན་སྐྱེད་ཚུ་ བསྡུ་གསོག་འབད་དེ་ ཕྱིའི་རྒྱལ་ལུ་ བཙོང་ཐབས་བཟོ་ཞིན་ན་ མི་སེར་ལུ་ འོང་འབབ་བཟོ་སྟེ་ སྤྲོད་ཐབས་འབད་ཚུགས་པ་ཅིན་ བདག་གཞན་གཉིས་ལུ་ ཁེ་ཕན་འབྱུང་ནི་མས།
འབྲུག་ལུ་ དབུལ་ཕོངས་དེ་ གཙོ་བོ་ར་ རང་བཞིན་གྱི་རྐྱེན་ངན་ ས་རུད་དང་ཆུ་རུད་ཐོནམ་ད་ མི་སྡེ་གྲོགས་རམ་ཚུ་མེདཔ་ལས་ མི་སྡེ་ཁག་དབྱེ་འགྱོ་མི་དེ་གིས་ བཟའ་ཚང་ནང་དུ་ བར་ཆད་ཐོན་ཏེ་ཨིནམ་ལས་ ལྷག་པར་དུ་ ཅ་དངོས་དང་ཞབས་ཏོག་ཚུའི་རིན་གོང་ ཡར་སེང་འགྱོ་མི་ལུ་བརྟེན་ཏེ་ཡང་ ཨིན་པས།
དེ་ལུ་ གཞུང་དང་ འབྲེལ་ཡོད་ལྷན་ཁག་དང་ ལས་ཁུངས་ དེ་ལས་ ལས་སྡེ་ཚུ་གིས་ རྒྱལ་ཁབ་ནང་ དབུལ་ཕོངས་ཀྱི་དཀའ་ངལ་སེལ་བཞིན་དུ་ཡོད་རུང་ ལྷག་པར་དུ་ མི་སེར་སྤྱང་ཀ་ཚུ་གི་ མཐའ་དོན་ལུ་དམིགས་ཏེ་ དཀའ་ངལ་སེལ་དགོཔ་འདུག

"དབུལ་ཕོངས་ཀྱི་དཀའ་ངལ་སེལ་ཐབས་ལུ་ ཐབས་ལམ་སྟོན་དགོཔ།"

རྒྱལ་ཁབ་ཀྱི་ངོ་རྟགས་ རྫོང་ཁ་སྐད་ཡིག་འབྱང་ནིའི་ཉེན་ཁ།

རྒྱལ་ཡོངས་སྐད་ཡིག་རྫོང་ཁ་འདི་ དཔལ་ལྡན་འབྲུག་པའི་ ཆོས་སྲིད་གཉིས་ལྡན་གྱི་ གཞུང་འགོ་དང་པ་ དབུ་བརྙེས་པའི་བསྒང་ལས་ར་ རྒྱལ་ཁབ་ཀྱི་གཞུང་སྐད་སྦེ་ ལག་ལེན་འཐབ་པའི་ སྐད་ཡིག་ཅིག་ཨིན།

དེ་ཡང་ རྒྱལ་ཁབ་ནང་ དེང་རབས་ཀྱི་ དཔལ་འབྱོར་གོང་འཕེལ་དང་ འཆར་གཞི་འགོ་ཐོག་ དུས་རབས་༢༠ པ་ཕྱེད་མཚམས་ལས་ འགོ་བཙུགས་པའི་སྐབས་ མི་དབང་འབྲུག་རྒྱལ་གསུམ་པ་ དཔལ་འཇིགས་མེད་རྡོ་རྗེ་དབང་ཕྱུག་མཆོག་གིས་ ཐབས་ཤེས་བཏོན་གནང་སྟེ་ ཁ་ལས་ག་སླབ་ རྫོང་ཁ་ཡིག་ཐོག་གུ་ འབྲི་ནིའི་སྲོལ་བཙུགས་ཏེ་ འབྲུག་གི་རྒྱལ་ཡོངས་སྐད་ཡིག་ལུ་ ངོས་འཛིན་གནང་ནུག

འདི་ལས་ཚུར་ རྒྱལ་ཡོངས་སྐད་ཡིག་རྫོང་ཁ་འདི་ རྒྱལ་ཁབ་མཐའ་དབུས་མེད་པའི་ སློབ་གྲྭ་ག༌ར༌ནང༌ ཨིང༌སྐད་དང༌ གཞན་ཆོས༌ཚན༌ཚུ་དང་འདྲ་མཉམ་སྦེ་ རྩ༌བའི༌ཆོས༌ཚན༌ ཁག༌ཆེ༌ཤོས༌ཅིག༌སྦེ་ སློབ༌སྦྱོང༌འབད༌ནི༌གི༌སྲོལ༌གཏོད༌གནང་ཡོདཔ་བཞིན་དུ་ འབྲི༌ནི༌དང༌ ལྷག༌ནི༌གི༌རིག༌རྩལ་འགོ༌བཙུགས༌ཏེ༌ སྒྲ༌སྦྱོར༌གྱི༌གཞུང༌དང༌ སྙན༌ངག༌ མངོན༌བརྗོད༌ སྡེབ༌སྦྱོར༌ལ༌སོགས༌པའི༌ རིག༌གནས༌ཀྱི༌གཞི༌འགྱམ་བཙུགས༌ཐོག༌ལས༌ སྐད༌ཡིག༌གོང་འཕེལ་བཏང་ཡོདཔ་ཨིན་པས།[...] རྒྱས་པར་ལྷག།

"རྒྱལ་ཁབ་ཀྱི་ངོ་རྟགས་ རྫོང་ཁ་སྐད་ཡིག་འབྱང་ནིའི་ཉེན་ཁ།"

ཁྱད་ཆོས་བཟང་པོའི་ སྒྲིག་ལམ་རྣམ་གཞག་འདི་ ག་གིས་ལག་ལེན་འཐབ་ནི་སྨོ?

རྒྱལ་ཁབ་ནང་ ཆོས་སྲིད་ལུགས་གཉིས་ཀྱི་བསྟན་པ་ དབུ་བརྙེས་མཛད་གནང་མི་ མཐུ་ཆེན་ཆོས་ཀྱི་རྒྱལ་པོ་ ཞབས་དྲུང་ངག་དབང་རྣམ་རྒྱལ་མཆོག་གིས་ མངའ་འབངས་བདེ་སྐྱིད་དང་ ཞི་བདེ་འབྱུང་ཐབས་ལུ་ གཙོ་བོར་བཏོན་ཏེ་ ཆོས་སྲིད་འཛིན་སྐྱོང་སྤེལ་གསུམ་གྱི་ཕྱག་ལཱ་ གནང་བའི་སྐབས་ལུ་ སྒྲིག་ལམ་དང་ ལམ་སྲོལ་ དེ་ལས་ ཆོས་ཀྱི་གནས་ལུགས་དང་བསྟུན་ བཟའ་བཅའ་འགྲོ་གསུམ་གྱི་ བྱ་སྒོའི་ཁྲིམས་བརྩམས་གནང་སྟེ་འདུག

ཨིན་རུང་ ད་རེས་ནངས་པའི་གནས་སྟངས་ལུ་ གཞུང་དང་ སྒེར་སྡེའི་ཡིག་ཚང་ དེ་ལས་ སློབ་གྲྭ་ཁག་ཚུ་ནང་ སྒྲིག་ལམ་རྣམ་གཞག་གི་ སྤྱོད་ལམ་སྟོན་ནི་དེ་ ནམ་མཁའི་སྐར་མ་བཟུམ་སྦེ་ དཀོན་དྲགས་འབདཝ་ལས་ བཟའ་བཅའ་འགྲོ་གསུམ་གྱི་རྣམ་གཞག་ཚུ་ ལག་ལེན་དངོས་སྦྱོར་འཐབ་ནི་ལུ་ སྒྲིག་ལམ་ཁ་གསོའི་ སྲིད་བྱུས་བརྩམས་ཏེ་ཡོད་མི་དེ་ལུ་ དང་ལེན་འབད་དགོ་པའི་ དུས་ཚོད་གུ་ལྷོད་ནུག

སྒྲིག་ལམ་མར་ཉམས་འགྱོ་བའི་སྐྱོན་འདི་ ཕོ་སྐྱེས་དང་ཨམ་སྲུ་གིས་ གོ་གྱོན་ལུགས་དང་ དཀྱི་ར་དཀྱིས་ཐངས་ལུ་ གསལ་ཏོག་ཏོ་སྦེ་ ཧ་གོ་ཚུགསཔ་ལས་ རང་གི་གཟུགས་ཁའི་གོ་ལ་ གྱོན་ཐངས་ཅིག་ར་ མ་ཤེསཔ་འདྲཝ་ཅིག་འབད་བ་ཅིན་ བཟའ་བཅའ་འགྲོ་གསུམ་གྱི་ཡོན་ཏན་ཡོད་མེད་ ཤེས་ཚུགསཔ་ལས་ འབྲུག་མི་ཕོ་མོ་ དྲག་གཞན་ཆེ་འབྲིང་ཆུང་གསུམ་ག་ར་ལུ་ སྒྲིག་ལམ་མེད་པའི་སྐྱོན་ མཐོང་ཚུགས་པས།[...] རྒྱས་པར་ལྷག།

"ཁྱད་ཆོས་བཟང་པོའི་ སྒྲིག་ལམ་རྣམ་གཞག་འདི་ ག་གིས་ལག་ལེན་འཐབ་ནི་སྨོ?"

སློབ་དཔོན་གྱི་ཁྱད་རིག་གོང་འཕེལ་གཏང་ཐོག་ སློབ་ཕྲུག་ཚུ་གིས་ ཤེས་ཡོན་ལུ་བསྐྱེད་ཚུགས་ག?

འབྲུག་གཞུང་ལས་ ཤེས་རིག་གི་ཞབས་ཏོག་འདི་ སྔར་ག་ཨིནམ་སྦེ་ རིན་མེད་སྟོང་པར་གནང་སྟེ་ཡོདཔ་བཞིན་དུ་ དོན་སྨིན་ཅན་གྱི་སྲིད་བྱུས་ ཐད་ཀར་དུ་ སློབ་སྟོན་པའི་འཆར་གཞི་ཚུ་ ཕན་ཁུངས་ཆེ་བ་དང་ ལག་ལེན་ངོས་སྦྱོར་ནི་ལུ་ འཇམ་ཏོག་ཏོ་དགོ་པའི་གུ་ ཐུན་ཚད་ཀྱི་དུས་ཡུན་དང་བསྟུན་པའི་ དོན་ཚན་ཚུ་ སློབ་ཕྲུག་ཚུ་གིས་ ཡོངས་རྫོགས་སྦེ་ ཤེས་ཚུགསཔ་བཟོ་ནི་ལུ་ དམིགས་གཏད་བསྐྱེད་དགོཔ་ཨིན་པས།

དེ་ཡང་ ད་རེས་ནངས་པ་ གཞུང་གི་ཁ་ཐུག་ལས་ སློབ་དཔོན་གྱི་ཁྱད་རིག་གོང་འཕེལ་གཏང་ནི་ལུ་ གཙོ་བོར་བཏོན་མི་དེ་ལུ་ ཡིད་ཆེས་ཡོད་རུང་ སློབ་དཔོན་ལུ་ཡོད་པའི་ ཁྱད་རིག་དེ་གིས་ སློབ་ཕྲུག་ཚུ་གི་རྒྱུད་ལུ་ ཐད་ཀར་དུ་ ཤེས་ཡོན་སྤྲོད་ནི་གི་འོས་འབབ་བལྟ་དགོཔ་དེ་ དམིགས་བསལ་དུ་ གལ་ཆེ་དྲགས་ཅིག་སྦེ་མཐོངམ་མས།

དེ་འབདཝ་ད་ སློབ་སྟོན་འབད་བའི་གནས་སྐབས་ནང་ སློབ་ཕྲུག་ཚུ་གིས་ སྤྲོ་བ་ལེན་ཏེ་ ཤེས་ཡོན་སྦྱང་མི་ཡོད་མེད་ ཧ་གོ་དགོཔ་ལས་ ཐབས་བྱུས་མ་འདྲཝ་ཅིག་བཏོན་ཏེ་ སློབ་སྟོན་འབད་རུང་ སློབ་ཕྲུག་གི་རྒྱུད་ལུ་ སྤྲོ་བ་དང་ སེམས་ཤུགས་མེད་པ་ཅིན་ མ་འོངས་པའི་གནས་སྟངས་ལུ་ཡང་ ད་རེས་བཟུམ་སྦེ་ ཤེས་རིག་གི་ལམ་ལུགས་དེ་ལུ་ གདོང་ལེན་རྒྱུན་ཆད་མེད་པར་ འཐོན་ནི་གི་ཉེན་ཁ་འདུག[...] རྒྱས་པར་ལྷག།

"སློབ་དཔོན་གྱི་ཁྱད་རིག་གོང་འཕེལ་གཏང་ཐོག་ སློབ་ཕྲུག་ཚུ་གིས་ ཤེས་ཡོན་ལུ་བསྐྱེད་ཚུགས་ག?"