གློག་བརྙན་ ཨ་ཎིམོ་དབྱངས་སྒྲོན།

དབྱངས་ཅན་ལྷ་མོ།

ཐིམ་ཕུག་སི་ཊི་སི་ནི་མཱལ་ གློག་བརྙན་ཁང་ནང་སྦེ་ ད་རེས་ནངས་པ་ མི་མང་ལུ་ སྟོན་པའི་བསྒར་ར་ཡོད་པའི་ ཨ་ཎིམོ་དབྱངས་སྒྲོན་ཟེར་མི་ གློག་བརྙན་གྱིས་ རྒྱུ་སྟོབས་དང་ གོ་གནས་ཡོད་མི་ཚུ་གིས་ མི་ཉམ་ཆུང་ལུ་ མར་ཕབ་དང་ དབང་ཚད་ལོག་སྤྱོད་འབད་དེ་ རྒྱུ་དངོས་འཕྲོག་བཅོམ་འབད་དེ་འབད་རུང་ མཐའན་མཇུག་ ཁོང་ར་ལུ་ ཕན་པ་ག་ནི་ཡང་མེདཔ་སྦེ་ མཐོང་ཚུལ་འབྱུང་ཚུགས་ནི་ཨིན་པས།

གློག་བརྙན་དེ་གིས་ ཚེ་ད་རེས་ མིའི་ལུས་ལུ་ སྐྱེས་བའི་མཐའ་མར་ དགའ་མཐུན་སྦེ་ཕྱད་དེ་འབད་རུང་ དབང་ཚད་ཡོད་པའི་མི་གིས་ བར་འཛུལ་རྐྱབ་སྟེ་ གཅིག་ཁར་འཛོམས་པའི་ རང་དབང་མ་འབྱུང་རུང་ ཚེ་ཕྱི་མར་ གཅིག་ཁར་འཛོམས་ཚུགས་པའི་ རེ་སྨོན་དང་བཅས་ སྔོན་གྱི་ལས་འཕྲོ་མ་རྫོགསཔ་ལས་ སྐྱེ་བ་ལེནམ་ད་ ལོག་འཛོམས་ཚུགས་པའི་ གནས་སྟངས་ཡོད་ལུགས་ཚུ་ གློག་བརྙན་ནང་སྟོནམ་མ་ཚད་ ཆོས་དང་འཇིག་རྟེན་གཉིས་ཆ་རའི་སྐོར་ལས་ ཤེས་ཚུགས་ནི་ཨིན་པས།[...] རྒྱས་པར་ལྷག།

"གློག་བརྙན་ ཨ་ཎིམོ་དབྱངས་སྒྲོན།"

གསོ་བའི་ལྷན་ཁག་ལུ་ ནདཔ་གི་ཉལ་ཁྲི་༢༥ ཞལ་འདེབས་སྦེ་གནང་ཡོདཔ།

ཆོས་ཉིད་བཟང་མོ།

ཐིམ་ཕུག་འཇིགས་མེད་རྡོ་རྗེ་དབང་ཕྱུག་རྒྱལ་ཡོངས་གཙོ་བསྟེན་སྨན་ཁང་དང་ རྒྱལ་ཁབ་ནང་འཁོད་ཀྱི་ སྨན་ཁང་ཚུ་ནང་ ལོ་བསྟར་བཞིན་དུ་ ནདཔ་གི་གྱངས་ཁ་ ཡར་སེང་འགྱོ་མི་དེ་ཡང་ ནད་གཞི་ཚུ་གི་སྐོར་ལས་ མི་མང་ལུ་ གོ་བ་བརྡ་སྤྲོད་འབདཝ་བཞིན་དུ་ ཧ་གོ་ནི་དེ་གིས་ སྨན་ཁང་ནང་ བརྟག་དཔྱད་ཀྱི་དོན་ལུ་འོང་མི་ལུ་བརྟེན་ ཨིན་པས།

འདི་འབདཝ་ལས་ མི་དབང་རྒྱལ་ཡུམ་ སངས་རྒྱས་ཆོས་སྒྲོན་དབང་ཕྱུག་མཆོག་གིས་ བརྟག་དཔྱད་འབད་བར་འོང་མི་ནདཔ་ཚུ་ སྨན་བཅོས་ཀྱི་དོན་ལུ་བཞག་དགོཔ་ཐོནམ་ད་ ཉལ་ཁྲི་ཡོད་དེ་འབད་རུང་ ནདཔ་ཚུ་ལུ་ ཞབས་ཏོག་ལེགས་ཤོམ་ཕུལ་ནིའི་དོན་ལུ་ སྤུས་ཚད་ལྡན་པའི་གུ་ རིན་ཐང་ཅན་གྱི་ཉལ་ཁྲི་༢༥ ཁ་སྐོང་ཞལ་འདེབས་སྦེ་ གནང་ཡོདཔ་ཨིན་པས།[...] རྒྱས་པར་ལྷག།

"གསོ་བའི་ལྷན་ཁག་ལུ་ ནདཔ་གི་ཉལ་ཁྲི་༢༥ ཞལ་འདེབས་སྦེ་གནང་ཡོདཔ།"

མི་སྡེ་ནུས་ཤུགས་ཡར་དྲག་ཟེར་མི་ བཟོ་དཔེ་ལས་འགུལ་དེ་གིས་ དྲག་ཤོས་ཐོན་ཡོདཔ།

དབྱངས་ཅན་ལྷ་མོ།

རྒྱལ་ཡོངས་དགའ་སྐྱིད་དཔལ་འཛོམས་ལུ་ ན་གཞོན་གྱི་མཐུད་འབྲེལ་གྱི་དོན་ལུ་ ན་གཞོན་འགོ་ཁྲིདཔ་ལས་རིམ་ འགོ་འདྲེན་འཐབ་མིའི་ནང་ སྟག་རྩེ་རིག་གཞུང་མཐོ་རིམ་སློབ་གྲྭ་གིས་ མི་སྡེ་ནུས་ཤུགས་ཡར་དྲག་ཟེར་མི་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ བཟོ་དཔེ་ལས་འགུལ་གྱིས་ ལས་འགུལ་གཞན་ཚུ་ལས་ དྲག་ཤོས་ཐོབ་ཡོདཔ་ཨིན་པས།

དེ་ཡང་ སྤྱི་ལོ་༢༠༡༨ ཀྱི་ སྤྱི་ཟླ་༡ པའི་ནང་ རྒྱལ་ཡོངས་དགའ་སྐྱིད་དཔལ་འཛོམས་ཀྱིས་ འགོ་ཐོག་འཚོགས་ཡོད་པའི་ ན་གཞོན་འགོ་ཁྲིདཔ་ལས་རིམ་གྱི་ གྲུབ་འབྲས་ཅིག་ཨིནམ་ད་ ལས་འགུལ་འགོ་བཙུགས་པའི་སྐབས་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ བརྡ་སྤྲོད་དང་ མི་སྡེ་ཕན་བདེའི་ལས་སྣ་ དེ་ལས་ བརྒྱུད་འཕྲིན་ལས་བརྟེན་ ན་གཞོན་ལུ་ཕན་གནོད་ཟེར་བའི་ ཞིབ་འཚོལ་དོན་ཚན་ཚུ་ འགོ་འདྲེན་འཐབ་ཡོདཔ་ཨིན་པས།[...] རྒྱས་པར་ལྷག།

"མི་སྡེ་ནུས་ཤུགས་ཡར་དྲག་ཟེར་མི་ བཟོ་དཔེ་ལས་འགུལ་དེ་གིས་ དྲག་ཤོས་ཐོན་ཡོདཔ།"

ན་གཞོན་གསེར་གྱི་རྟགས་མ་ ཐེངས་༡༡ པ་འགོ་འདྲེན།

ཆོས་ཉིད་བཟང་མོ།

ན་གཞོན་གོང་འཕེལ་མ་དངུལ་གྱིས་ སྤྱི་ལོ་༢༠༠༥ ལུ་ ན་གཞོན་གསེར་གྱི་རྟགས་མ་བྱིན་ནིའི་ འགོ་བརྩམ་སྟེ་ཡོད་མི་དེ་ཡང་ མི་དབང་འབྲུག་རྒྱལ་བཞི་པ་མཆོག་ དགུང་ལོ་༥༠ བཞེསཔ་ད་ དུས་དྲན་བརྩི་སྲུང་ལུ་ དམིགས་གཏད་བསྐྱེད་དེ་ཨིན་པས།

ན་གཞོན་གསེར་གྱི་རྟགས་མའི་དོན་ལུ་ སྤྱི་ལོ་༢༠༠༨ ཀྱི་ལོའི་ནང་ འགོ་དང་པ་ ན་གཞོན་ཚུ་གི་བར་ན་ སྡེ་ཚན་སྦེ་བཟོ་སྟེ་ ལས་རིམ་ཚུ་ འགོ་འདྲེན་འཐབ་ཡོདཔ་ཨིན་པས།[...] རྒྱས་པར་ལྷག།

"ན་གཞོན་གསེར་གྱི་རྟགས་མ་ ཐེངས་༡༡ པ་འགོ་འདྲེན།"

ཨམ་སྲུ་ཆ་ཁྱབ་ཀྱི་བར་ན་ རྐང་རྩེད་འགྲན་བསྡུར་འབད་བའི་བསྒང་།

ཆོས་ཉིད་བཟང་མོ།

ལོ་བསྟར་བཞིན་དུ་ འབྲུག་རྐང་རྩེད་ཚོགས་པ་གིས་ འགོ་འདྲེན་འཐབ་སྲོལ་ཡོད་མི་ ཨམ་སྲུའི་ ཁྱད་འཕགས་ཅན་གྱི་ རྐང་རྩེད་ འགྲན་བསྡུར་འདི་ སྤྱི་ཟླ་དེ་གིས་ སྤྱི་ཚེས་༡ ལས་ འགོ་བཙུགས་ཏེ་ སྤྱི་ཚེས་༣༡ ཚུན་ ཐིམ་ཕུག་ ལྕང་གླིང་མའི་ཐང་གི་ རྐང་རྩེད་ཐང་ནང་སྦེ་ འགོ་འདྲེན་འཐབ་པའི་བསྒང་ཡོདཔ་ད་ དེ་ཁར་ ཨམ་སྲུའི་སྡེ་ཚན་༧ གིས་ བཅའ་མར་གཏོགས་དོ་ཡོདཔ་ཨིན་པས།

རྩེད་འགྲན་གྱི་ཐད་ཁར་ལྷོདཔ་ད་ ལོ་ཚད་དང་འཁྲིལ་དགོཔ་མེདཔ་ལས་ སྤྲོ་བ་ཡོད་མི་ ཨམ་སྲུ་ག་ར་ལུ་ བཅའ་མར་གཏོགས་ནི་གི་གོ་སྐབས་ སྤྲོད་དོ་ཡོདཔ་ཨིན་པས།[...] རྒྱས་པར་ལྷག།

"ཨམ་སྲུ་ཆ་ཁྱབ་ཀྱི་བར་ན་ རྐང་རྩེད་འགྲན་བསྡུར་འབད་བའི་བསྒང་།"

མི་རློབས་ཀྱི་གྲངས་རྩིས་དང་འཁྲིལ་ ཕོ་མོ་སྐྱེས་ལོ་༦ ཡན་ཆད་ལུ་ འབྲི་ལྷག་ཤེས་ཡོན།

བསོད་ནམས་ལྷུན་གྲུབ།
འབྲུག་གི་མི་རློབས་དང་ ཁྱིམ་གྱི་གྲངས་རྩིས་༢༠༡༧ གྱི་ གནས་སྡུད་སྙན་ཞུ་དང་འཁྲིལཝ་ད་ སྐྱེས་ལོ་༦ ཡན་ཆད་ཀྱི་ མི་རློབས་ཡོངས་བསྡོམས་ཀྱི་༦༥༦,༥༢༢ ཡོད་ས་ལས་ ༡,༤༠༧ གྱིས་ ཤེས་ཡོན་དང་འབྲེལ་བའི་ འབྲི་ལེན་མ་འབདཝ་ལས་ འབྲི་ལྷག་གི་ཤེས་ཡོན་ཡོད་མི་ མི་གྲངས་༤༦༧,༦༤༧ དང་ བརྒྱ་ཆ་༧༡.༤ ཡོད་པའི་ ཞིབ་འཇུག་འབད་ཡོདཔ་ཨིན་པས།
ཕོ་མོའི་དབྱེ་བ་དང་བསྟུན་ འབྲི་ལྷག་ཤེས་ཡོན་ཡོད་མི་ ཨམ་སྲུ་བརྒྱ་ཆ་༦༣.༩ ལས་མེད་རུང་ ཕོ་སྐྱེས་བརྒྱ་ཆ་༧༨.༡ དང་ ན་ལོན་སྐྱེས་ལོ་༡༥ ལས་ཡན་ཆད་འབད་མིའི་གནས་ཚད་ནང་ འབྲི་ལྷག་ཤེས་ཡོན་གྱི་ བརྒྱ་ཆ་༦༦.༦ དང་ གྲོང་གསེབ་ནང་ བརྒྱ་ཆ་༦༣.༦ དེ་ལས་ ཁྲོམ་ཚོགས་ནང་ བརྒྱ་ཆ་༨༤.༡ ཡོདཔ་ཨིན་པས།
སྤྱི་ལོ་༢༠༠༥ ལས་༢༠༡༧ ཚུན་ འབྲི་ལྷག་ཤེས་ཡོན་གྱི་ བརྒྱ་ཆ་༥༩.༥ ལས་༧༡.༤ ལུ་ ཡར་སེང་སོང་ཡོད་པའི་གུ་ ཕོ་སྐྱེས་བརྒྱ་ཆ་༩.༠ དང་ ཨམ་སྲུ་བརྒྱ་ཆ་༡༥.༢ ཀྱི་ཡར་སེང་སོང་ཡོདཔ་མ་ཚད་ ཕོ་མོའི་ཁྱད་པར་གྱི་ བརྒྱ་ཆ་༢༠.༤ ལས་༡༥,༢ ལུ་ མར་ཕབ་སོང་ཡོདཔ་བཞིན་དུ་ གྲོང་གསེབ་དང་ ཁྲོམ་ཚོགས་ཀྱི་བར་ན་ བརྒྱ་ཆ་༢༣.༨ ལས་༢༠.༥ གུ་ མར་ཕབ་སོང་ཏེ་འདུག
ཕོ་མོའི་ལོ་ཚད་དང་འཁྲིལ་ཏེ་ འབྲི་ལྷག་ཤེས་ཡོན་གྱི་ བརྒྱ་ཆ་ ཡར་སེང་འགྱོ་དོ་ཡོདཔ་ད་ སྐྱེས་ལོ་༡༠ ལས་༡༤ ཚུན་འབད་མི་ བརྒྱ་ཆ་༩༨.༤ དང་ སྐྱེས་ལོ་༦༥ ཡན་ཆད་ བརྒྱ་ཆ་༢༢.༩ ལུ་ མར་བབ་སོང་ཡོདཔ་ད་ ཕོ་སྐྱེས་ཀྱི་བརྒྱ་ཆ་༦༥.༠ དང་ ཨམ་སྲུའི་བརྒྱ་ཆ་༩.༤ ལས་མེདཔ་ཨིན་པས།
དེ་ལས་ རྫོང་ཁག་༢ གི་ནང་ ཀྲོང་གསར་ རྫོང་གི་ནང་ འབྲི་ལྷག་ཤེས་ཡོན་ཡོད་མི་ བརྒྱ་ཆ་མཐོ་ཤོས་ཅིག་ཨིནམ་ད་ དབངའདུས་དང་ གསར་སྤང་ རྫོང་ཁག་དེ་ཡང་ ཤེས་ཡོན་ཡར་དྲག་འགྱོ་བའི་ རྫོང་ཁག་ཅིག་ཨིན་རུང་ པདྨ་དགའ་ཚལ་དེ་ ཤེས་ཡོན་ཉུང་དྲག་ཡོདཔའི་ རྫོང་ཁག་ཅིག་ཨིན་པས།
སྐྱེས་ལོ་༦ ཡན་ཆད་ སློབ་གྲྭ་ནང་ འཛུལ་བཞུགས་འབད་དེ་ ཤེས་ཡོན་སྦྱང་མི་ ཡོངས་བསྡོམས་ལུ་༦༥༥,༠༠༣ ཡོད་པའི་ནང་ལས་ཡང་ ཤེས་ཡོན་སྦྱང་པའི་བསྒང་ཡོད་མི་ བརྒྱ་ཆ་༢༩.༤ དང་ ཤེས་ཡོན་སྦྱང་ཚར་མི་ བརྒྱ་ཆ་༣༥.༧ ཡོད་རུང་ མི་གྲངས་༡,༥༡༩ གིས་ སློབ་གྲྭ་ནང་ འཛུལ་བཞུགས་མ་འབད་བར་ཡོདཔ་ཨིན་པས།
ལོ་ཚད་ཀྱི་དབྱེ་ཁ་ནང་ སྐྱེས་ལོ་༦ ལས་༡༢ ཚུན་ བརྒྱ་ཆ་༩༤.༠ དང་ ལོ་ཚད་༡༣ ལས་༡༤ གི་ བརྒྱ་ཆ་༩༡.༡ སྐྱེས་ལོ་༡༥ དང་༡༦ གི་༨༩.༣ ལོ་ཚད་༡༧ དང་༡༨ ལུ་ བརྒྱ་ཆ་༧༧.༨ ལོ་ངོ་༡༩ ལས་༢༢ འབད་མི་ བརྒྱ་ཆ་༤༡.༥ དེ་ལས་ ལོ་ཚད་༢༣ ཡར་ལྟབ་འབད་མི་ ཤེས་ཡོན་མ་སྦྱང་མི་ བརྒྱ་ཆ་༥༠.༢ དང་༤༦.༩ འབྲི་ལྷག་ཤེས་ཡོན་སྦྱང་ཡོད་པའི་ གནས་རྩིས་བཀོད་དེ་འདུག
ཤེས་རིག་ལམ་ལུགས་དང་འཁྲིལ་ སློབ་གྲྭ་དང་གཙུག་སྡེ་ཚུ་ནང་ ཤེས་ཡོན་སྦྱང་མི་ ཕོ་སྐྱེས་བརྒྱ་ཆ་༢༧.༩ ལས་མེད་རུང་ ཨམ་སྲུ་འབྲི་ལྷག་ཤེས་ཡོན་སྦྱང་མི་ བརྒྱ་ཆ་༣༡.༠ ཡོདཔ་ད་ ལོ་ཚད་༦ ཡན་ཆན་ ཤེས་ཡོན་སྦྱང་མི་ བརྒྱ་ཆ་༡.༢ ལས་མ་གཏོགས་ ཡར་སེང་མ་འགྱོ་རུང་ ཤེས་ཡོན་སྦྱང་ཚར་མི་ མི་རློབས་བརྒྱ་ཆ་༡༡.༥ ཡར་སེང་སོང་ཏེ་འདུག
ཨིན་རུང་ འདས་པའི་མི་ལོ་༡༢ གི་ནང་འཁོད་ལུ་ སློབ་གྲྭ་དང་གཙུག་སྡེའི་ནང་ ཤེས་ཡོན་མ་སྦྱང་མི་ སྤྱི་ལོ་༢༠༠༥ ལུ་ བརྒྱ་ཆ་༤༧.༤ ལས་༢༠༡༧ ལུ་ བརྒྱ་ཆ་༣༤.༧ གུ་ མར་བབ་དང་ བརྒྱ་ཆ་༡༢.༧ དེ་ཅིག་གི་ ཁྱད་པར་ཧ་གོ་ཡོདཔ་ཨིན་པས།
སྔར་སྲོལ་གྱི་ཤེས་ཡོན་སྦྱང་མི་ སྐྱེས་ལོ་༦ ཡན་ཆད་ མི་གྲངས་༢༢,༨༨༩ གི་ནང་ལས་ བརྒྱ་ཆ་༤༢.༠ གིས་ མི་མང་གི་མགོན་སྡེ་དང་ གྲྭ་ཚང་ཚུ་ནང་ ཤེས་ཡོན་སྦྱང་མི་དང་ བརྒྱ་ཆ་༢༤.༣ སྒེར་གྱི་ལྷ་ཁང་དང་ མགོན་པའི་ནང་ལས་ ཤེས་ཡོན་སྦྱང་མི་ཨིན་པའི་གུ་ རྒྱལ་ཁབ་ནང་ སྒོམ་ཆེན་གྱི་བརྒྱ་ཆ་༢༩.༧ ཡོདཔ་ཨིན་པས།
དེ་ལས་ ཁྲོམ་ཚོགས་ནང་ མི་མང་གི་གྲྭ་ཚང་ཚུ་ནང་ འབྲི་ལྷག་ཤེས་ཡོན་སྦྱང་མི་བརྒྱ་ཆ་༥༦.༠ དང་ སྒེར་གྱི་ལྷ་ཁང་ནང་ བརྒྱ་ཆ་༡༧.༩ མེད་རུང་ གྲོང་གསེབ་ནང་ མི་མང་གི་མགོན་སྡེའི་ནང་ བརྒྱ་ཆ་༣༦.༧ དང་ སྒེར་གྱི་ནང་༢༦.༧ ཡོདཔ་ད་ ཕོ་སྐྱེས་བརྒྱ་ཆ་༤༤.༣ གྱིས་ མི་མང་གི་མགོན་སྡེ་ནང་ སྔར་སྲོལ་ཤེས་ཡོན་སྦྱང་མི་ རྩིས་ཁྲ་མཐོ་ཤོས་ཅིག་ཨིན་པས།
འདི་བཟུམ་སྦེ་ ཨམ་སྲུ་བརྒྱ་ཆ་༤༦.༡ དེ་ཅིག་གིས་ སྒེར་གྱི་ལྷ་ཁང་ནང་ སྔར་སྲོལ་འབྲི་ལྷག་གི་ཤེས་ཡོན་སྦྱངས་མིའི་ གྱངས་ཁ་མཐོ་ཤོས་ཅིག་ཨིན་པའི་གུ་ གྲོང་གསེབ་ཚུ་ནང་ མི་རློབས་བརྒྱ་ཆ་༧༣.༠ གིས་ སྔར་སྲོལ་གྱི་ལམ་ལུགས་གུ་ འབྲི་ལྷག་གི་ཤེས་ཡོན་སྦྱང་སྟེ་ཡོདཔ་ ཨིན་པའི་གནས་ཚུལ།

"མི་རློབས་ཀྱི་གྲངས་རྩིས་དང་འཁྲིལ་ ཕོ་མོ་སྐྱེས་ལོ་༦ ཡན་ཆད་ལུ་ འབྲི་ལྷག་ཤེས་ཡོན།"

སྤྲོ་སྟོན་ཁང་དང་འབྲེལ་བའི་གནད་དོན་ཚུ་ ལོག་སྟེ་ར་ བསྟན་རྒྱས་ལྷན་ཁག་གིས་ ལྟ་རྟོག་འབད་ནི།

ཆོས་ཉིད་བཟང་མོ།

ད་རེས་ཚུན་ཚོད་ སྤྲོ་སྟོན་ཁང་དང་འབྲེལ་བ་ཡོད་པའི་གནད་དོན་ཚུ་ འབྲུག་བརྡ་དོན་བརྒྱུད་འབྲེལ་དང་བརྡ་བརྒྱུད་དབང་འཛིན་གྱིས་ ལྟ་རྟོག་འབད་དེ་ཡོད་རུང་ ད་ལས་ཕར་ ལོག་སྟེ་ར་ བསྟན་རྒྱས་ལྷན་ཁག་ལུ་ རྩིས་སྤྲོད་འབད་དེ་ཡོདཔ་བཞིན་དུ་ ལྷན་ཁག་ལུ་ ཁ་གསལ་དང་ ཞིབ་དཔྱད་འཕྲོ་མཐུད་འབད་དགོཔ་ཡོད་པའི་ གནད་དོན་ཚུ་ཡང་ སྤྱི་ཟླ་༦ པའི་ སྤྱི་ཚེས་༢༨ ལུ་ རྩིས་སྤྲོད་འབད་དེ་ཡོདཔ་ཨིན་པས།

རྩིས་སྤྲོད་ལེན་གྱི་ལས་རིམ་དེ་ཁར་ འབྲུག་བརྡ་དོན་བརྒྱུད་འབྲེལ་དང་བརྡ་བརྒྱུད་དབང་འཛིན་གྱིས་ མདོ་ཆེན་དང་ འབྲེལ་བ་ཡོད་པའི་ འགོ་དཔོན་ཚུ་གིས་སྦེ་ ཡིག་ཆ་ཚུ་ བསྟན་རྒྱས་ལྷན་ཁག་གིས་ མདོ་ཆེན་དང་ འབྲེལ་ཡོད་འགོ་དཔོན་ཚུ་ལུ་ རྩིས་སྤྲོད་འབད་དེ་ ཁག་ཆེ་བའི་གནད་དོན་ཐོག་ལུ་ གསལ་བཤད་འབད་ཡོདཔ་མ་ཚད་ ཉམས་མྱོང་ཚུ་ཡང་ བཤད་ཡོདཔ་ཨིན་མས།[...] རྒྱས་པར་ལྷག།

"སྤྲོ་སྟོན་ཁང་དང་འབྲེལ་བའི་གནད་དོན་ཚུ་ ལོག་སྟེ་ར་ བསྟན་རྒྱས་ལྷན་ཁག་གིས་ ལྟ་རྟོག་འབད་ནི།"

འཛམ་གླིང་རྐང་རྩེད་འགྲན་བསྡུར་གྱི་ སྐོར་ཐེངས་དང་པ་མཇུག་བསྡུ་ཡོདཔ།

ཆོས་ཉིད་བཟང་མོ།

རཱ་ཤི་ཡའི་རྒྱལ་ཁབ་ནང་ རྩེད་འགྲན་འབད་བའི་བསྒང་ཡོད་པའི་ སྤྱི་ལོ་༢༠༡༨ ཀྱི་ འཛམ་གླིང་རྐང་རྩེད་ཀྱི་ མཐའ་དཔྱད་རྩེད་འགྲན་གྱི་དོན་ལུ་ སྐོར་ཐེངས་དང་པ་ མཇུག་བསྡུ་ནུག

དེ་ཁར་ རྒྱལ་ཁབ་༣༢ གིས་ བཅའ་མར་གཏོགས་ཡོདཔ་བཞིན་དུ་ རྩེད་འགྲན་འབད་དེ་ རྒྱལ་ཁབ་༡༦ གི་ སྐུགས་ཚད་མཐོ་ཤོས་ཐོབ་སྟེ་སྐོར་ཐེངས་༢ པའི་ནང་ ལྷོད་དེ་འདུག[...] རྒྱས་པར་ལྷག།

"འཛམ་གླིང་རྐང་རྩེད་འགྲན་བསྡུར་གྱི་ སྐོར་ཐེངས་དང་པ་མཇུག་བསྡུ་ཡོདཔ།"

རྒྱལ་ཁབ་ཀྱི་ མི་རློབས་དང་བསྟུན་པའི་ ལཱ་གཡོག་ཡོད་མེད་ཀྱི་ ཞིབ་འཇུག་གནས་སྡུད།

བསོད་ནམས་ལྷུན་གྲུབ།

ལཱ་གཡོག་གི་དཀའ་ངལ་དེ་ ཁྲོམ་ཚོགས་ཀྱི་གནས་སྟངས་དང་ ན་གཞོན་ལུ་འབྲེལ་བ་ཡོད་པའི་ གནད་དོན་གཙོ་བོ་ཅིག་འབདཝ་ལས་ གྲོང་གསེབ་ཚུ་ནང་ གྱངས་ཁ་ཉུང་སུ་ཅིག་ལས་མེད་པའི་གུ་ ཁྲོམ་ཚོགས་དང་ཕྱདཔ་ད་ རང་གཡོག་འབད་སྡོད་མི་ ཨམ་སྲུའི་གྱངས་ཁ་ ལོག་ལྟབ་ཀྱི་མང་དོ་ཡོདཔ་ཨིན་པས།

དེ་ཡང་ སྤྱི་ཟླ་འདི་གི་ སྤྱི་ཚེས་༢༥ ལུ་ རྒྱལ་ས་ལུ་སྦེ་ བློན་ཆེན་དྲག་ཤོས་ ཚེ་རིང་སྟོབས་རྒྱས་ཀྱིས་ འབྲུག་གི་མི་རློབས་དང་ གྲངས་རྩིས་༢༠༡༧ ཅན་མ་ གསལ་བཏོན་འབད་དེ་  རྒྱལ་ཁབ་ནང་ མི་རློབས་ཉུང་སུ་ཅིག་ཡོད་ནི་དེ་གིས་ ལཱ་གཡོག་མེད་མི་གི་གྱངས་ཁ་དེ་ གནམ་མེད་ས་མེད་ཅིག་ར་མེདཔ་ལས་ དེ་དང་བསྟུན་པའི་ དཀའ་ངལ་སེལ་དགོཔ་དེ་ ཁག་ཆེ་ཟེར་བཤད་ཅི།[...] རྒྱས་པར་ལྷག།

"རྒྱལ་ཁབ་ཀྱི་ མི་རློབས་དང་བསྟུན་པའི་ ལཱ་གཡོག་ཡོད་མེད་ཀྱི་ ཞིབ་འཇུག་གནས་སྡུད།"

ཨར་རྐུན་གྱི་གནད་དོན་ལུ་ འཛིན་བཟུང་འབད་མི་ བཙོན་པ་༡ བྱོག་འགྱོ་ཡོདཔ།

ཆོས་ཉིད་བཟང་མོ།

ཐིམ་ཕུག་ཁྲིམས་སྲུང་འགག་པ་གིས་ སྤྱི་ཟླ་༣ པའི་ནང་ ཨར་རྐུན་འབད་ཡོད་པའི་ གནད་དོན་ཐོག་ལུ་ འཛིན་བཟུང་འབད་མི་ དོགས་ཅན་ཕོ་སྐྱེས་འདི་ གཞལམ་སྒང་རྫོང་ཁག་ ཀྲོང་ཏ་མང་ལས་ མི་ངོམ་ རྡོ་རྗེ་རྒྱལ་མཚན་འདི་ཨིན་མས།

ཐིམ་ཕུག་ཁྲོམ་སྡེའི་ཁྲིམས་སྲུང་འགག་པའི་ ཞིབ་དཔྱད་འགོ་དཔོན་གྱིས་སླབ་མིའི་ནང་ དོགས་ཅན་ཕོ་སྐྱེས་འདི་ དོ་དམ་འོག་ལུ་ ཁྲིམས་དཔྱད་ཀྱི་དོན་ལུ་ བཞག་ཡོདཔ་སྦེ་ཨིན་པས།[...] རྒྱས་པར་ལྷག།

"ཨར་རྐུན་གྱི་གནད་དོན་ལུ་ འཛིན་བཟུང་འབད་མི་ བཙོན་པ་༡ བྱོག་འགྱོ་ཡོདཔ།"