ན་གཞོན་ཚུ་ལུ་ ཕན་ཐབས་དང་དཀའ་ངལ་སེལ་ཚུགས་པའི་ འགྲེམས་སྟོན་ལས་རིམ།

ཆོས་ཉིད་བཟང་མོ།

ན་གཞོན་གོང་འཕེལ་བློ་གཏད་མ་དངུལ་གྱིས་ མ་འོངས་ན་གཞོན་ཚུ་གི་རྒྱུད་ལུ་ དབང་ཆ་བྱིན་ནིའི་དོན་ལུ་ འབྱུང་འགྱུར་གྱི་ དུས་ག་ཅིག་བཟུམ་ལུ་སླབ་ཨིན་ན་དང་ ཁོང་རའི་རྒྱུད་ལུ་ མནོ་བསམ་བཏང་ཐང་ དེ་ལས་ ན་གཞོན་དང་གོང་འཕེལ་མ་དངུལ་གྱི་ རྒྱབ་སྐྱོར་ཐོག་ལས་ ན་གཞོན་ཚུ་ལུ་ རིག་གསར་གྱི་ལས་རིམ་ཚུ་ འགོ་འདྲེན་འཐབ་སྟེ་ བཅའ་མར་གཏོགས་ནི་གི་ གོ་སྐབས་ཚུ་བྱིན་དོ་ཡོདཔ་ད་ མ་འོངས་དང་ མི་ཚེ་གཅིགཔ་ནང་ལུ་ཕན་ཐོགས་ཅན་གྱི་ ལཱ་འབད་ནི་དོན་ལུ་ སེམས་ཤུགས་བསྐྱེད་བཅུག་སྟེ་ ན་གཞོན་ཚུ་གིས་ འབྲི་ལྷག་ཤེས་ཡོན་ལུ་ སྤྲོ་བ་བསྐྱེད་ཐབས་ལུ་ རྒྱབ་སྐྱོར་དང་གོ་སྐབས་ཚུ་ བྱིན་དོ་ཡོདཔ་ཨིན་པས།

འདི་བཟུམ་སྦེ་ ན་གཞོན་གོང་འཕེལ་བློ་གཏད་མ་དངུལ་གྱི་ འགོ་འདྲེན་ཐོག་ལས་ འབྲུག་གི་ན་གཞོན་ཚུ་གིས་ ན་གཞོན་དང་འབྲེལ་བའི་དཀའ་ངལ་ཚུ་ ཧ་གོ་ཚུགས་ཏེ་ སེལ་ཐབས་ཀྱི་དོན་ལུ་ སྤྱི་ཟླ་༠༨ པའི་ སྤྱི་ཚེས་༠༥ རེས་གཟའ་ཉིམ་ ཕྱི་རུ་ཆུ་ཚོད་༣ དེ་ཅིག་ཁར་ གླུ་གར་གློག་བརྙན་ཁང་ནང་སྦེ་ འགྲེམས་སྟོན་ ཨའི་ངེ་གི་དོན་ཧིང་༼  Mother – a touch of Gold ༽ ཟེར་བའི་ལྟདམོ་ཅིག་སྟོན་ནི་ཨིནམ་ལས་ ལྟོདམོ་བལྟ་བ་ཅིན་ དཀའ་ངལ་སེལ་ཐབས་ཀྱི་སྐོར་ལས་ ཧ་གོ་ཚུགས་ཏེ་ གནས་སྐབས་གསརཔ་ཚུ་ འཐོབ་ཚུགས་པའི་ ཕན་པ་སྦོམ་རང་ཡོདཔ་ཨིན་པས།

 

Leave a Reply

Your email address will not be published. Required fields are marked *