གློག་བརྙན་གི་ ན་གཞོན་དང་ མི་མང་གི་བསམ་བློ་ལུ་ འགྱུར་བ་བཟོ་ཚུགསཔ།

ཆོས་ཉིད་བཟང་མོ།

གློག་བརྙན་ བསམ༌པ༌འདི་ ན༌གཞོན༌དང་ འབྲེལ་བའི་གློག་བརྙན་ཅིག་ཨིནམ་ད་ གློག་བརྙན་དེ་གི་ མི་མང་དང་ ན་གཞོན་སློབ་ཕྲུག་ མཐའ་ཟུར་གྱི་ སློབ་གྲྭ་ ནང་ལས་ཕར་ ཤེས་ཡོན་སྦྱང་ནིའི་དོན་ལུ་ དཀའ་ངལ་དང་ དོང་ལེན་ག་དེ་སྦེ་རང་ འབྱུང་དོ་ཡོདཔ་ཨིན་ན་དང་ སློབ་ཕྲུག་དང་ ན་གཞོན་ཚུ་གི་ ཆང་དང་ ཏམ་ཁུ་ དེ་ལས་ སྨྱོ་རྫས་ལ་སོགས་པའི་རིགས་ཚུ་ ག་ཅིག་སྦེ་ ལག་ལེན་འཐབ་ཨིན་ན་ ཧ་གོ་ཚུགས་ནི་ཨིན་པས།

འདི་བཟུམ་སྦེ་ ན་གཞོན་ལ་ལུ་ཅིག་གིས་ ཁོང་རའི་ ཕམ་སྤུན་ཆ་ཚུ་ལུ་ ཆ་རོགས་འབད་ནི་དང་ ཤེས་ཡོན་ལྷབ་ནིའི་སེམས་ཡོད་རུང་ མནོ་དོན་གྲུབ་མ་ཚུགས་མི་ལུ་བརྟེན་ ཉེས་ལས་ཀྱིས་ལཱ་ཚུ་ནང་ བཅའ་མར་གཏོགས་སྟེ་ མི་ཚེ་དོན་མེདཔ་སོང་རུང་ ཤུལ་ལས་འཛོལ་བ་ཨིནམ་ཤེས་སྟེ་ བསམ་བློ་འགྱུར་ཏེ་ མི་ཚེ་ལེགས་བཅོས་འབད་དེ་ཡོད་པའི་སྐོར་ལས་ མི་མང་ལུ་གོ་བ་བརྡ་སྤྲོད་འབད་དོ་ཡོདཔ་ཨིན་པས།

ཕམ་དང་བུ་གཞི་གི་བར་ན་ འབྲེལ་བ་འཐབ་ཐངས་ཚུ་ ཁ་གསལ་བཀོད་དེ་ཡོདཔ་ལས་ རྫོང་ཁག་ག་རའི་ནང་ལུ་ སྟོན་ནི་གི་འཆར་གཞི་ཡོདཔ་ཨིན་པས།

 

Leave a Reply

Your email address will not be published. Required fields are marked *